Якты юл
  • Рус Тат
  • Маһиҗамал әби 100 яшен тутырды

    Боерган авылында гомер кичерүче Маһиҗамал әби Сибгатованы бер гасырлык гомер бәйрәме 100 яше тулу белән котларга район башлыгы Фаил Камаев килде.

    Ул юбилярга Россия һәм Татарстан Президентларының, шәхсән үзенең котлау хатларын, бүләкләр тапшырды. Изге теләкләрен район ветераннар һәм инвалидлар оешмасы рәисе Галимҗан Зарипов белән Боерган авыл җирлеге башлыгы Зарифьян Камилянов та җиткерделәр. Ул чор кешеләре өстенә төшкән бар авырлык, алар күргән ачлык-хәерчелек, берсеннән-берсе авыр хезмәтләр Маһиҗамал әбине дә читләтеп үтмәгән. Ул – Октябрь революциясе, күмәк хуҗалыклар оешу, социализм төзү һәм Бөек Ватан сугышы кебек тарихи вакыйгаларның тере шаһиты.
    Район җитәкчеләренең үзе белән рәхәтләнеп чын күңелдән аралашып, сөйләшеп утыруларына ихластан сөенеп, аларга да хәерле озын гомер теләде гасыр яшьтәше. Соңыннан йөзьяшәр әби белән истәлеккә фотога төштек.

    Флүзә Сәлимова, 
    китапханә мөдире.

    Флүзә Сәлимова фотосы.

    Нравится
    Поделиться:
    Реклама
    Комментарии (0)
    Осталось символов: